Bakıda fəaliyyət göstərən "Dynamex" çatdırılma şirkətinin əməkdaşları hücuma məruz qalıb.

Bu barədə Axar.az-a çatdırılma şirkətindən məlumat verilib.

Məlumata görə, hadisə 19 martda saat 21:00-da çatdırılma şirkətinin Nəsimi rayonunda yerləşən flialında baş verib.

Belə ki, şirkət əməkdaşları bağlamasını təhvil almaq istəyən müştəriyə mobil tətbiq vasitəsi ilə ödəniş etməli olduğunu bildirib. Ancaq müştəri ödəniş etməkdən imtina edib. Əməkdaşlar isə bağlamanı təhvil vermək üçün ödəniş etməli olduğunu bir daha bildirib. Daha sonra müştəri yanındakı xanımı filialdan uzaqlaşdırıb və əməkdaşları təhqir edib. Ardınca şirkətin əşyalarına zərər verib, əməkdaşlara isə xəsarət yetirib. Hətta şirkət əməkdaşı olan Fəda Ələşrəfzadənin burun sümüyünü sındırdıqdan sonra hadisə yerindən uzaqlaşıb.

Hadisə ilə bağlı şirkət hüquq-mühafizə artıq orqanlarına müraciət edib.