Bu gün axşam saatlarında Cəlilabad rayonunda yerləşən şadlıq evlərindən birində güclü yanğın olub.

Axar.az Teleqraf-a istinadən xəbər verir ki, hadisə rayonun Moranlı kəndində baş verib.

Hadisə yerinə dərhal Fövqəladə Hallar Nazirliyinin (FHN) Cəlilabad Rayon Yanğından Mühafizə Hissəsinin əməkdaşları və texnikası cəlb olunub. Yanğınsöndürən briqadalar hadisə yerinə çatdıqdan sonra ərazidə təhlükəsizlik tədbirləri görülüb və yanğının ətraf obyektlərə keçməsinin qarşısını almaq məqsədilə operativ müdaxilə edilib.

Hazırda yanğının söndürülməsi istiqamətində işlər davam etdirilir. Əraziyə əlavə qüvvələr də yönləndirilib.

Hadisə zamanı xəsarət alanların olub-olmaması barədə məlumat yoxdur. Faktla bağlı araşdırma aparılır.