Portuqaliya millisinin kapitanı və Səudiyyə Ərəbistanının "Ən-Nəsr" klubunun hücumçusu Kristiano Ronaldo "Bütün dövrlərin ən yaxşı futbolçusu" mükafatına layiq görülüb.

Axar.az xəbər verir ki, mükafat sahibinin adı Primeyra mükafatlarının təltifetmə mərasimində açıqlanıb.

Bildirilib ki, 40 yaşlı Kristiano bütöv bir dövrü özü üçün müəyyənləşdirib və dünya futbolunda silinməz izlər buraxıb.

Futbolçunun özü mərasimdə iştirak etməyib. Lakin təşkilatçılar ulduz forvardın mükafatın yanında duraraq, nitq söylədiyi videonu göstəriblər.

Qeyd edək ki, Kristiano Ronaldo "France Football" nəşrinin təsis etdiyi "Qızıl top" mükafatının beş dəfə sahibi olub. Bundan başqa, təcrübəli hücumçu 943 qolla futbol tarixinin rekordçusudur.