Topaz Premyer Liqasının IX turunun "Neftçi"–"Qarabağ" matçında baş verən xoşagəlməz hala AFFA İntizam Komitəsi hüquqi qiymət verib.

Axar.az xəbər verir ki, qarşılaşmanın sonlarında meydana daxil olan azarkeşi vuran "Neftçi"nin hücumçusu Katalin Tiranın cəzası açıqlanıb.

Davada iştirak edərək qırmızı vərəqə alan rumıniyalı futbolçu bu hərəkətinə görə, 5 oyunluq cəzalanıb və üstəlik komandasını 2400 manat ziyana salıb.

Həmçinin, 90+2-ci dəqiqədə meydançaya azarkeş daxil olduğu üçün oyunda fasilə yaranıb. "Neftçi" tərəfi təhlükəsizliyi tam təmin etmədiyi üçün daha 4 min manat cərimə olunub.

Qeyd edək ki, hadisədən dərhal sonra klub rəsmiləri verdikləri açıqlamada Tiranın bu hərəkətinə görə "Neftçi"dən uzaqlaşdırılacağını açıqlamışdılar.