Çeçenistan lideri Ramzan Kadırov “əsrin döyüşü”ndə Konor Makqreqoru məğlub edərək yüngül çəkidə UFC dünya kəmərinin sahibi olan Həbib Nurməhəmmədovu qəbul edib.

Axar.az xəbər verir ki, bu barədə Kadırov İnstaqram hesabında paylaşım edib. Görüşdə “Əhməd” idman klubunun döyüşçüləri də iştirak edib.

Nurməhəmmədovun gənclərə əsl örnək ola biləcəyini qeyd edən Kadırov ona “Qroznı şəhərinin fəxri vətəndaşı” adını verib. UFC çempionuna həmçinin qələbələrinin sayına uyğun olaraq 27 nömrəli “Qroznının 200 illiyi” təqdim olunub.

Çeçenistan rəhbəri Həbib Nurməhəmmədovun atası Əbdülmanaf Nurməhəmmədova isə "Çeçenistanın əməkdar idman işçisi" fəxri adı verib.

Tədbirin sonunda Çeçenistanın birinci prezidenti Əhməd-Hacı Kadırovun adından idmançıya bahalı maşın hədiyyə edilib.