Ana səhifə İdman |
Şəmkirin yeni icra başçısı Alimpaşa Məmmədovdan gözləntilər var.
Axar.az xəbər verir ki, yeni icra başçısının Şəmkir futbol stadionunun abadlaşdıracağına ümid olunur.
Azərbaycanda ən yaxşı futbol komandası olmuş, ölkə çempionluğu yaşamış, Çempionlar Liqasında ilk dəfə tur keçmiş klubumuz olan "Şəmkir" son illər tənəzzül dövrünü yaşayır.
Ölkə futboluna tanınmış oyunçular yetişdirmiş Şəmkir futbolu bu gün demək olar ki, yoxdur. Komanda dağılandan sonra Aslan Aslanov stadionu özəlləşdirdi və baxımsız vəziyyətdə saxladı.
Şəmkirə yeni təyin olunan icra başçısından isə gözlənti var ki, stadionda yenidənqurma işlərinin aparılması üçün tapşırıq versin. Eyni zamanda Şəmkir futbolunu düşdüyü quyudan çıxaracağına da ümid edilir.
Hər halda A.Məmmədov özü də idman sahəsinə yaxın məmurdur. Məlum olduğu kimi, Şəmkirin yeni rəhbəri həm də Güləş Federasiyasının 2 saylı regional nümayəndəliyinin rəhbəridir. Odur ki, onun baxımsız, bərbad vəziyyətdə olan Şəmkir stadionunun bərpası üçün tapşırıq verəcəyi gözlənilir.
Tarix
2014.10.10 / 09:25
|
Müəllif
Emin Aslanlı
|