Avro-2016 çərçivəsində keçirilən Serbiya-Albaniya matçında yaranan gərginlikdən sonra UEFA öz qərarını açıqlayıb.

Axar.az sondakika.com-a istinadən xəbər verir ki, qurum Serbiya və Albaniya milli komandalarının Avro-2016 çərçivəsində bütün oyunlarını ləğv edərək milliləri seçmə mərhələlərdən kənarlaşdırıb.

UEFA-nın mətbuat katibi Pedro Pintonun verdiyi məlumata görə, Avro-2016-dan uzaqlaşdırılan hər iki milli komandanın futbol federasayalarına cinayət işi açılıb: "Hər iki milli komanda oyunda baş verən hadisə ilə bağlı mövqeyin bizə təqdim edə bilər. Qarşıdan gələn həftənin cümə axşamı oyunla bağlı qərarımızı elan edəcəyik".

Xatırladaq ki, Avro-2016-nın seçmə mərhələsi çərçivəsində keçirilən Serbiya - Albaniya oyunu yarımçıq dayandırılıb. Buna səbəb azarkeşlərin hərəkəti olub. İlk hissənin sonlarında Albaniyanın bayrağını uçurublar. Meydan sahiblərinin müdafiəçisi Stefan Mitroviç tullanaraq bayrağı yerə salıb. Bundan sonra komandaların futbolçuları arasında mübahisə yaranıb. Serbiyalı azarkeşlər fayerlər yandıraraq meydana atıblar. Nəticədə görüş qeyri-müəyyən müddətə dayandırılıb.