Dünyada ən çox azarkeş kütləsi olan Təbrizin “Traktor” futbol klubuna yeni mahnı həsr edilib.

Axar.az xəbər verir ki, bu barədə azərbaycanlı müğənni Mehrdad Kəsani İnstaqram səhifəsində məlumat verib.

Bütün “Traktor”çulara hədiyyə edilən “Traktor klub 1970” adlanan mahnını türkiyəli musiqiçi İnanc Alanquş və Mehrdad Kəsani ərsəyə gətiriblər.

“Mübarizənin İrandakı vücud almış halı “Traktor” klubu üçün hazırladığımız marş. Əziz Mehrdad ilə etdiyimiz duet... Könüldən sevərək hazırladığımız və bir parçası olmaqdan qürur duyduğum marşımız”, - deyə Alanquş bildirib.

Mahnının aranjimanı Sezgin Gəzginə, söz və musiqisi Mehrdad Kəsaniyə aiddir.