"Şəmkir"in yeni meydança və bazasının təməlqoyulma mərasimi keçirilib.

Sportinfo.az yazır ki, tədbirdə rayonun icra başçısı Alimpaşa Məmmədov iştirak edib.

Yeni futbol sahəsi Olimpiya Kompleksinə yaxın bir yerdə tikiləcək. Tikintisinə başlanılan meydançanın qazonu süni olacaq və yalnız məşq etmək üçün nəzərdə tutulub. Meydançanın mayın ikinci yarısında istifadəyə verilməsi planlaşdırılır.

Stadiona gəlincə, yenisi inşa olunmayacaq. Sadəcə, Olimpiya kompleksinin ot örtüyü dəyişdiriləcək və keyfiyyətli təbii qazon salınacaq. İcra başçısı söz verib ki, "Şəmkir"in bütün problemlərini həll etməyə kömək göstərəcək və komandayla daim yaxından maraqlanacaq.