UEFA-nın püşkatmanın nəticələrinə təsir etməsi ilə bağlı fakt yayılıb.

"Axar.az" Türkiyə mətbuatına istinadən xəbər verir ki, bu gün Çempionlar Liqasında 1/8 final mərhələsinin püşkü atılsa da, ortaya çıxan faktlar püşklə bağlı bir sıra şübhəli məqamları ortaya çıxarıb.

Belə ki, dünən "tvitter"də püşkatmada hansı klubların üz-üzə gələcəyini dəqiqliklə göstərən bir profil bu gün üzə çıxıb.

Məlum olub ki, həmin status CL Draw Corruption (Çempionlar Liqası Püşkatma Qanunsuzluğu) tərəfindən 22 saat əvvəl paylaşılıb.
"Püşkatmada klublar UEFA-nın istəyinə uyğun qarşılaşırmı?" - indi hər kəs bu sualın cavabını axtarır.

UEFA rəsmiləri isə hələlik məsələyə münasibət bildirməyib.