"İlk dəfə UEFA bizə heç bir cavab vermədi. Rədd etdilər, baxmadılar. Heç bir cavab da yazmadılar. Ancaq biz yenidən müraciət edəndən sonra fikir verdilər. Mənim üçün sevindiricidi ki, əsas odur, "Qarabağ"ın uğuru oldu bu mövsüm. Təbii ki, istəyimizə tam nail ola bilmədik. Bir tərəfdən sevinirik, digər tərəfdən haqsızlığa uğradığımızı düşünürük. Neyləyə bilərik? FİFA-ya da gedə bilərik. Amma biz burada da dayanacağıq".

Bu sözləri "Sportinfo.az"a müsahibəsində "Qarabağ"ın vitse-prezidenti Tahir Gözəl deyib. Onun sözlərinə görə, istəyimiz UEFA-nın bunun qanun pozuntusu kimi qeydə alması və oyunun bizə verilməsiydi:

"Cənab Prezidentimiz də çıxışında demişdi ki, hakim cəzalanmalıdı. Biz hamımız bunu istəyirdik. Bir yerdə buna nail olduq. Hər halda, tarixə belə keçdi ki, "Qarabağ" "İnter"i 1:0 uddu. Mən bu cür qəbul edirəm".