Ana səhifə İdman |
"Qarabağ"ın müdafiəçisi Ansi Aqolli maraqlı açıqlama ilə diqqət çəkib.
Axar.az xəbə verir ki, futbolçu şərəfini qoruduğu Albaniya millisinin heyətində Ermənistan üzərində qazandıqları qələbədən (2:1) danışıb. 32 yaşlı futbolçu deyib ki, Bakıya qayıtdıqda hava imanında pasportuna möhür vuran polisdən tutmuş "Qarabağ"ın baş məşqçisi Qurban Qurbanov və komanda yoldaşlarına qədər, hər kəs onu alqışlayıb:
"Məlumdur ki, Azərbaycan və Ermənistan 1991-ci ildən münaqişə vəziyyətindədir. Bu, ermənilərin Azərbaycan ərazisinə soxulmasından sonra baş verib. Mənim oynadığım klub da həmin ərazini təmsil edir. O ərazidən 1 milyon insan qovularaq, Bakı və digər şəhərlərdə məskunlaşıb. Əslində bu, ermənilər tərəfindən törədilmiş bir soyqırımdır və böyük münaqişədir. Mən isə qələbəmizi Bakıda və ondan kənarda yaşayan 1 milyon qaçqınla paylaşmaq istərdim. Onların taleyi müharibə vaxtı kosovolu albanlara oxşayır. Ümidvaram ki, gözəl günlərin birində mən öz ölkəmə qayıdacağam və klubum da öz əcdadlarının uyuduğu doğma şəhərinə qayıdacaq".
Tarix
2015.04.05 / 00:58
|
Müəllif
Emin Aslanlı
|