Beynəlxalq Basketbol Federasiyası (FİBA) Rusiyanı bütün beynəlxalq turnirlərdən kənarlaşdırdığını açıqlayıb.

Axar.az xəbər verir ki, federasiyanın qərarı dəyişməsə, 2007-ci ildə Avropa çempionluğunu qeyd edən Rusiya yığması sentyabrda baş tutacaq turnirə qatıla bilməyəcək.

FİBA-dan Rusiya Basketbol Federasiyasına (RFB) gələn məktubda bildirilib ki, verilən qərar qadınlar arasında keçirilən çempionata şamil edilməyəcək:

"FİBA İcra Komitəsi Rusiya Basketbol Federasiyasını turnirlərdən kənarlaşdırmağı qərara alıb. Qərar dərhal qüvvəyə minəcək. Lakin bu qərar hazırda FİBA turnirlərində iştirak edən və ya bir neçə gün sonra başlayacaq Avropa U18 Qadın Basketbol Çempionatına qatılan milli komandaya şamil edilmir".

Bu qərara səbəb kimi dövlətin federasiyanın işinə müdaxilə etdiyi göstərilib.