Ana səhifə İdman |
Bu gün iki klubumuz Avropa Liqasında ölüm-dirim mübarizəsinə çıxacaq.
Axar.az xəbər verir ki, növbəti tur şansları "Qəbələ"nin Yunanıstanda PAOK-u, "Qarabağ"ın isə Bakıda "Tottenhemi" məğlub etməsindən asılıdır.
Komandalarımız heç-heçəyə oynasa və yaxud məğlubiyyət olsa, qrupdan çıxmaq imkanları demək olar ki, qalmır.
Qurban Qurbanovun komandası Londonda 1:3 hesablı məğlubiyyətin əvəzini çıxmağa çalışacaq. Roman Qriqorçukun yetirmələri isə Bakıda qeydə alınan heç-heçəni unudaraq mütləq qalib gəlməlidir.
"Qəbələ"nin oyunu Bakı vaxtı ilə 00:05-də başlayacaq. Ağdam klubu isə 22:00-da meydana çıxacaq. Bununla bağlı artıq təhlükəsizlik tədbirləri görülüb.
Daxili İşlər Nazirliyi "Qarabağ"- "Tottenhem" oyunu ilə əlaqədar Tofiq Bəhramov adına Respublika stadionunu nəzarətə götürüb.
Nazirliyin mətbuat xidmətinin rəis müavini Ehsan Zahidov "Azvision.az"a bildirib ki, polis əməkdaşları tərəfindən asayişin pozulması hallarının qarşısı zamanında alınacaq.
Tarix
2015.11.26 / 14:42
|
Müəllif
Emil Salamoğlu
|