Yuxarı

FHN-in qurumları arasında tennis çempionatı yekunlaşdı

Ana səhifə İdman
12 Punto 14 Punto 16 Punto 18 Punto

17-19 aprel 2024-cü il tarixlərində Fövqəladə Hallar Nazirliyinin İdman-sağlamlıq klubunun idman arenasında Nazirliyin qurumları arasında komanda və şəxsi birincilik üzrə stolüstü tennis çempionatı keçirilib.

Axar.az xəbər verir ki, idman-sağlamlıq klubunun təşkilatçılığı ilə keçirilən çempionatda FHN-in Aparatı və qurumlarının ümumilikdə 15 komandasından 60-a yaxın əməkdaş iştirak edərək əzmkar mübarizə aparıb. Çempionatın baş hakimi Zaur Mikayılov tərəfindən idarə edilən turnirdə qaliblər müəyyən olunub.

Tədbirin bağlanış mərasimində çıxış edən FHN-in İdman-sağlamlıq klubunun rəisi polkovnik Füzuli Musayev Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi altında ölkəmizin dünya miqyasında idman mərkəzlərindən birinə çevrilməsindən, idmançılarımızın qazandığı möhtəşəm uğurlardan danışıb. O, qeyd edib ki, idmanın stolüstü tennis növü gənclərin həm asudə vaxtlarını səmərəli keçirməsi, həm də fiziki sağlamlıqlarının təmin edilməsində böyük əhəmiyyətə malikdir. F.Musayev 2023-2024-cü illərdə Gənclər və İdman Nazirliyinin təşkilatçılığı ilə dövlət qurumları arasında keçirilən stolüstü tennis üzrə komanda və şəxsi birincilik yarışlarında FHN-in komandasının qazandığı yüksək nailiyyətlərə toxunub.

Sonra çempionatda uğur qazanmış komandalar və iştirakçılar təltif olunublar. 3 gün davam edən yarışda Dövlət Yanğından Mühafizə Xidmətinin komandası bütün rəqiblərinə qalib gələrək komanda hesabında birinci olub. Çempionatda ikinci yerə Şimal-qərb Regional Mərkəzinin, üçüncü yerə isə Mülki müdafiə qoşunlarının komandası layiq görülüb.

Şəxsi yarışlarda FHN-in Xüsusi Riskli Xilasetmə Xidmətinin əməkdaşı Əli Bayramov çempion adını qazanıb. İkinci yerə Tikintidə Təhlükəsizliyə Nəzarət Dövlət Agentliyinin əməkdaşı İlqar Cəfərov, üçüncü yerə isə FHN Akademiyasının əməkdaşı Rüstəm Buğluyev sahib olub.

Sonda qaliblər kubok, diplom və medalla mükafatlandırılıb. Çempionatın keçirilməsində hakimlik xidmətlərinə görə Azərbaycan Stolüstü Tennis Federasiyasının Hakimlər Komitəsi, göstərdikləri səy və xidmətlərə görə Tibb Xidmətinin əməkdaşları və çempionatın veteran oyunçusu kimi “İzotop” xüsusi kombinatının əməkdaşı Məmmədbağır Həsənov fəxri fərmanla təltif olunublar.

Tarix
2024.04.19 / 18:00
Müəllif
Axar.az
Şərhlər
Digər xəbərlər

İbrahim Rəisi sağdırmı? – İrandan şok qərarlar...

İran mediası Rəisi ilə bağlı bu xəbəri sildi

Sərhəddə açılış: İlham Əliyev və Rəisi iştirak etdi - Yeniləndi

İlham Əliyev Rəisi ilə görüşdü - Foto

XİN Türkiyədəki bu bayramla bağlı paylaşım etdi

Bayrağımız niyə oxşardır? Paris Bakıdan nə istəyir?

Mierinyanın Füzuli səfərində diqqət çəkən detal - Foto

Polis erməni deputatları sərhədimizə buraxmadı

İran-Azərbaycan əlaqəsi təkcə qonşuluq deyil – Rəisi

İran-Azərbaycan dostluğu sarsılmazdır - Əliyev

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla