"Əl-Şəbab"ın türk baş məşqçisi Fateh Terim Səudiyyə Ərəbistanı çempionatının 14-cü turunda "Əl-Əhli"yə uduzduqları (2:3) matç haqqında danışıb.

Axar.az Qol.az-a istinadən xəbər verir ki, həmin görüş Terimin ölkə çempionatında ilk oyunu olub. Oyunun ilk 13 dəqiqəsi ərzində Terimin komandası 0:2 hesabı ilə geri düşüb.

Mütəxəssis isə qarşılaşmanın onu təəccübləndirdiyini bildirib:

"Baş məşqçilik karyeram ərzində çox təcrübəm olub. Amma belə oyun görməmişdim. İlk 60 dəqiqə ərzində mübarizə apardıq. 3-dən çox qol buraxa bilərdik. Bəlkə də sonda hesabı bərabərləşdirə də bilərdik. Amma bu, mənim düşüncəmi dəyişdirməzdi. Çünki həm fərdi, həm də kollektiv şəkildə səhvlərimiz oldu".

Qeyd edək ki, "Əl-Şəbab" bundan əvvəl Terimin rəhbərliyi altında iki oyuna çıxıb. "Damac"a qarşı yoxlama matçında 4:1 hesablı qələbə qazanan kollektiv Səudiyyə Ərəbistanı Kral Kubokunun 1/4 finalında da "Əl-Fayha" qalib gəlmişdi (2:1).