"Fənərbağça" klubunun baş məşqçisi Joze Mourinyo mətbuat konfransı zamanı "Qalatasaray" - "Adana Dəmirspor" matçı barədə xatırlatma edib.

Axar.az "NtvSpor"a istinadən xəbər verir ki, Joze Mourinyo "Qalatasaray" futbolçularını tənqid edib.

"Düşünə bilirsiniz, hakimin "Qalatasaray" klubuna olan simpatiyasına görə "Adana Dəmirspor" futbolçuları meydanı tərk etdilər? Çünki mövzunun dərinliyi axmaq idi. Daha axmaq olan bir şey isə "Qalatasaray" futbolçularının meydanda qalıb qələbəni qeyd etməsi idi", - o bildirib.

Qeyd edək ki, 2025-ci ilin fevral ayının 9-da keçirilən "Qalatasaray" - "Adana Dəmirspor" matçı zamanı qonaqlar hakimin qərarına etiraz olaraq meydanı tərk ediblər.