Bugünkü matçda tribunalarda çoxsaylı azarkeşlərin olması çox xoşuma gəldi. Üstəlik, bu, futbolçulara da xüsusi motivasiya verdi. Bəlkə də azarkeş sayı az olsaydı, belə bir maraqlı matça şahidlik edə bilməyəcəkdik.

Axar.az xəbər verir ki, bunu "Qarabağ"ın baş məşqçisi Qurban Qurbanov "Neftçi"yə böyük hesabla qalib gəldikləri oyunu şərh edərkən deyib.

“Qarşılaşmadan razı qaldım. Sona qədər mübarizə apardıq və dinamikanı qoruyub saxlamağı bacardıq. Rəqib baş məşqçi Samir Abasova uğurlar arzulayıram. Hazırda istədiyi futbolu göstərə bilməsi asan iş deyil. Baş məşqçi olaraq onu anlayıram", - Q.Qurbanov qeyd edib.