2025.05.30 - 21:15

Azərbaycanın minifutbol millisi Bakıda keçirilən dünya çempionatında finala yüksəlib.

Axar.az xəbər verir ki, Elşad Quliyevin rəhbərlik etdiyi kollektiv yarımfinalda Monteneqro ilə üz-üzə gəlib.

Qarşılaşma yığmamızın 2:1 hesablı qələbəsi ilə başa çatıb.

Millinin heyətində Ağaseyid Qasımov (23) və Ramiz Çovdarov (44) fərqləniblər.

Qeyd edək ki, Azərbaycan həlledici mərhələdə Macarıstan - Serbiya cütünün qalibi ilə qarşılaşacaq.

***

Bakıda keçirilən minifutbol üzrə dünya çempionatında ikinci finalçının adı bəlli olub.

Milli Gimnastika Arenasında keçirilən mundialın ikinci yarımfinal qarşılaşmasında Macarıstan və Serbiya yığmaları qarşılaşıb.

Görüşün əsas vaxtında qapılara qol vurulmayıb. Penaltilər seriyasında 3:1 hesablı qələbə qazanan Macarıstan yığması dünya çempionatının finalında Azərbaycan millisinə rəqib olub. İyunun 1-də keçiriləcək həlledici qarşılaşma 20:00-da start götürəcək.