Sığorta hadisəsi baş vermiş 9 bankdan 3 bank üzrə Parabank ASC, Qafqaz İnkişaf Bankı ASC, Dekabank ASC-nin qorunan əmanətçilərinin böyük əksəriyyətinə kompensasiyalar ödənilib və bu əmanətlər üzrə kompensasiyaların ödənişi artıq tamamlanmaq üzrədir.

Maliyyə Bazarlarına Nəzarət Palatasından Axar.az-a verilən məlumata görə, yaxın zamanlarda ləğvetmə prosesində olan sözügedən 3 bankın qorunmayan əmanətləri üzrə ödənişlərin başlaması nəzərdə tutulur.

Qeyd edək ki, Əmanətlərin Sığortalanması Fondu (ADİF) tərəfindən 30 sentyabr 2016-cı il tarixinə Parabank ASC-nin qorunan əmanətçilərinə 32,675,532 manat, Qafqaz İnkişaf Bankı ASC-nin qorunan əmanətçilərinə 1,705,056 manat, Dekabank ASC-nin 2,772,350 (3 bank üzrə ümumilikdə 37,152,938) manat kompensasiya ödənilib.