Azər-Türk Bank ASC Azərbaycan manatı ilə qəbul etdiyi klassik əmanətlərin faiz dərəcələrini 3,5% artırıb.

Bankdan Axar.az-a verilən məlumata görə, hazırda “Azər-Türk Bank”da 1 il müddətinə milli valyuta ilə yerləşdirilən əmanətlərə görə faizlərin aylıq və yaxud müddətin sonunda götürülməsindən asılı olaraq 13,5-14% divident vəd edilir. İndiyə qədər illik gəlirlilik 10-10,5% olub.

Bankın ABŞ dolları ilə əmanət qəbulu şərtlərində isə dəyişiklik olmayıb.

Xatırladaq ki, Azər-Türk Bank ASC 1995-ci ildə yaradılıb. Onun nizamnamə kapitalı 50 mln. manatdır. Bankın səhmlərinin 75%-i Azərbaycan hökuməti adından çıxış edən Əmlak Məsələləri Dövlət Komitəsinə, 12,37%-i Türkiyənin "Zıraat Bank"ına, 1,08%-i "Zıraat Bank İnternational"a, 6,55%-i AzRe Təkrarsığorta ASC-yə, 5%-i isə Qala Həyat Sığorta ASC-yə məxsusdur.