Qərbin sanksiyalarından sonra əlavə iqtisadi zona axtarışına çıxan Rusiya özünə yeni mərkəz tapıb.

Axar.az xəbər verir ki, Rusiyanın iki nəhəng "Nornikel" və "Meqafon" şirkəti Honq Konqa külli miqdarda sərmayə yatırdıqlarını açıqlayıblar.

Rusiyanın RBK agentliyinin verdiyi məlumata görə, "Nornikel" öz sərmayəsini Qərbdən Honq Konqa köçürən ilk rus şirkəti adını alıb. Qərbin sanksiyalarına daha çox məruz qalmamaq üçün şirkət öz dollar və avrolarının böyük hissəsini Honq Konq dolarına çevirib.

Rusiyanın ən böyük telekommunikasiya şirkəti olan "Meqafon" da sərmayəsinin 40 faizini avro zonasından çıxararaq Honq Konqa köçürdüyünü elan edib.

Qeyd edək ki, "Meqafon" prezident Vladimir Putinin ən yaxın dostlarından olan Alişir Usmanova məxsusdur.