Ötən həftə - 12-16 yanvar tarixlərində Azərbaycanın İtaliyanın Auqusta limanından CIF şərtləri ilə Supsa, Batum (Gürcüstan) və Ceyhan (Türkiyə) limanları vasitəsilə satdığı "AzəriLayt" markalı neftin orta qiyməti təxminən 49,22 dollar/barrel təşkil edib ki, bu da əvvəlki həftənin göstəricisindən 3,1 dollar azdır.

Axar.az xəbər verir ki, 12-16 yanvar həftəsində "AzərLayt"ın qiyməti maksimum 50,13, minimum isə 48,03 dollar/barrel təşkil edib.

12-16 yanvar həftəsində Azərbaycanın Novorossiysk limanından satdığı "Ural" (EX-NOVO) növlü neftin qiyməti təxminən 43,29 dollar/barrel təşkil edib ki, bu da əvvəlki həftənin qiymətindən 1,32 dollar/barrel azdır.

"Trend"in məlumatına görə, "Ural" API üzrə qatılığı 32 dərəcə təşkil edir, kükürdün miqdarı isə 1,3 faizdir. Lakin satış zamanı müxtəlif vaxtlarda, tərkibində daha çox keyfiyyətli (və ya daha az) neftlərin dominantlığından asılı olaraq, bu neftin spesifik xüsusiyyətləri dəyişir.

12-16 yanvar həftəsində "Brent Dated" növünün orta qiyməti 46,53 dollar/barrel təşkil edib. Bu rəqəm ötən həftəkindən 2,95 dollar/barrel azdır.

Ötən həftə "Brent"in maksimum qiyməti 47,65 dollar, minimum 45,22 dollar/barrel təşkil edib.

Ekspertlər yaxın həftələrdə qiymətlərin stabil olacağını düşünür.