Ermənistanın Baş naziri Nikol Paşinyan Avropa Şurasının Prezidenti Antonio Kosta ilə telefon danışığı aparıb.

Axar.az xəbər verir ki, bu barədə Baş nazirin mətbuat katibi Nazeli Baqdasaryan məlumat verib.

Telefon danışığı zamanı Paşinyan 8 avqustda Vaşinqtonda keçirilən danışıqların nəticələri barədə Kostaya məlumat verib.

Paşinyan qeyd edib ki, sülh Ermənistan-Avropa Birliyi əməkdaşlığının genişlənməsi üçün yeni investisiya imkanları yaradır.

Tərəflər həmçinin Ermənistan-Avropa Birliyi gündəliyi və 2026-cı ilin yazında Ermənistanda keçiriləcək Avropa Siyasi Birliyi Sammitinin təşkilati məsələlərini də müzakirə ediblər.