Xalq şairi Nəriman Həsənzadə müalicə olunduğu Mərkəzi Klinikanın reanimasiya şöbəsinə yerləşdirilib.

Bu barədə Kult.az-a açıqlamasında şairin köməkçisi Arif Mehmandost məlumat verib.

“Huşu özündə olsa da, hazırda durumu ağır-stabildir. Həkimlərin nəzarətindədir. Gözləyirik. Durumu yaxşılaşsa, palataya köçürüləcək”, - deyə köməkçisi bildirib.

Mərkəzi Klinikanın mətbuat şöbəsindən verilən məlumata görə, xəstənin reanimasiya və intensiv terapiya şöbəsində müalicəsi davam edir:

“Xronik böyrək çatışmazlığı kəskinləşməsi diaqnozu ilə hemodializ proseduru icra edilir. Vəziyyəti ağır stabil olaraq qiymətləndirilir”.

Qeyd edək ki, 18 fevral 1931-ci il təvəllüdlü şair 2 ay öncə böyrək çatışmazlığı diaqnozu ilə xəstəxanaya yerləşdirilib.