Əməkdar artist Brilyant Dadaşova mərhum xalq artisti Arif Babayevin xatirəsinə ifa təqdim edib.

Kult.az xəbər verir ki, tanınmış müğənni həmin görüntüləri şəxsi sosial media hesabında paylaşıb.

Brilyant Dadaşova çıxışında ölkənin çox önəmli bir ustadı itirməsindən danışıb:

"Bu gün Azərbaycanımız üçün çox önəmli bir ustadı itirdik. Heyflər olsun. Ruhu şad olsun. Arif Babayevin xatirəsinə oxumaq istəyirəm".

B.Dadaşova "Bu dünyanı nağıl bilək" mahnısını ifa edib. Onun bu jesti sosial mediada izləyicilərin rəğbəti ilə qarşılanıb.

Qeyd edək ki, Arif Babayev dünən səhər saatlarında dünyasını dəyişib.