"SOCAR Georgia" şirkəti Gürcüstanda daha 11 məscidi qazla təmin edəcək.

Axar.az xəbər verir ki, bu barədə Feysbuk səhifəsində Gürcüstan Müsəlmanları İdarəsinin şeyxi Hacı Ramin İgidov məlumat yayıb. O, Gürcüstandakı məscidlərin qazla təmin edilməsi barədə SOCAR şirkəti ilə memorandum imzaladıqlarını bildirib:

"ARDNŞ-nin Gürcüstan nümayəndəliyi ilə Bütün Gürcüstan Müsəlmanları İdarəsi arasında məscidlərin təmənnasız olaraq qazla təmini barədə memorandum imzalanıb. Nəzərinizə çatdırırıq ki, bu günə qədər digər dinlərə məxsus məbədlərlə yanaşı Gürcüstanda olan məscidlərdən sadəcə bir neçəsi bu yardım proqramından faydalana bilib. Onu da qeyd edək ki, yaxınından qaz keçən bütün məscidlərimiz bu proqramdan faydalana biləcəklər".