Dünya bazarında neftin qiyməti bu gün səhər saatlarında kəskin şəkildə qalxıb.

Axar.az "Bloomberg" agentliyinə istinadən xəbər verir ki, dünya bazarında VTI (West Texas Intermediate) markalı xam neftin bir barrelinin qiyməti 1,27% yaxud 0,65 dollar artaraq 51,86 dollar olub.

Birjalarda "Brent" markalı xam neftin qiymətində də bahalaşma müşahidə edilib. "Brent"in bir barrelinin qiyməti 1.00% və ya 0,59 dollar bahalaşaraq 59,87 dollar olub.

Xatırladaq ki, ötən gündən başlayaraq neftin qiymətində ciddi artım müşahidə olundu. Belə ki, "Brent" markalı neftin bir barrelinin qiyməti 2,5 dollar qalxaraq 57,16 dollara çatdı. Mütəxəsislər artımın davam edəcəyini proqnozlaşdırmışdılar.