"Larinin kursu tarixi minimuma çatacaq".

Axar.az xəbər verir ki, bu açıqlama ilə gürcü eksperti Demur Qiorxelidze çıxış edib.

O, hökumətin larinin ucuzlaşmasının qarşısını ala bilməyəcəyini deyib:

"Valyuta Fondundan larinin kursunun saxlanılması üçün edilən yardımlar müvəqqəti xarakter daşıyacaq. Bundan sonra isə ən çətin zamanlar başlayacaq. Hazırda Gürcüstan banklarında 9 milyard lari depozit var. Bunların yarıdan çoxu hüquqi şəxslərə aiddir. Onlar öz pullarını iqtisadiyyata qaytarmırlar. Çünki ölkədə anlaşılması mümkün olmayan situasiya var. İqtisadi subyektlər aktivlik göstərmirlər. Kiçik və orta biznes artıq yox olmaqla qarşı-qarşıyadır. Bu sektor ölkə ərazisində xeyli iş yerlərinin yaradılmasına səbəb ola bilərdi. Amma indi o, taleyin ümidinə buraxılıb. Belə olan halda 5%-lik artım da məsələyə çarə olmayacaq. Yaxın günlərdə dollar 2,4 lariyə çatacaq".