Ana səhifə İqtisadiyyat |
Bu gün Bakı vaxtı ilə saat 20.00-da OPEK və OPEK+ ölkələrinin nazirləri onlayn formatda görüşəcəklər.
Energetika Nazirliyindən Axar.az-a verilən məlumata görə, görüş OPEK və OPEK+ ölkələri nazirlərinin 9-cu iclasından irəli gələn məsələlər üzrə məsləhətləşmələr çərçivəsində baş tutur.
Səudiyyə Ərəbistanının Energetika naziri şahzadə Əbdüləziz bin Salmanın sədrliyi və Rusiya Federasiyasının Energetika naziri Aleksandr Novakın həmsədrliyi ilə keçiriləcək görüşə OPEK və Əməkdaşlıq Bəyannaməsində iştirak edən OPEK+ ölkələrinin nazirləri qatılacaq. Azərbaycanın Energetika naziri Pərviz Şahbazov da OPEK+ ölkələri nazirlərinin müzakirələrində iştirak edəcək.
Xatırladaq ki, 9 apreldə OPEK və OPEK+ ölkələri nazirlərinin iclasında mayın 1-dən 2022-ci ilin aprelinədək gündəlik neft hasilatının üç mərhələ üzrə müvafiq olaraq 10-8-6 milyon barrel həcmlərində azaldılması barədə qərar qəbul edilib.
Tarix
2020.04.12 / 16:45
|
Müəllif
Axar.az
|