Ana səhifə İqtisadiyyat |
Rusiyanın AB nümayəndəsi Vladimir Çijov təbii qazının Türkiyə üzərindən Avropaya çatdıracaq "Türk axını"nın Türkiyə-Yunanıstan arasında əlaqələrin inkişafına töhvə verəcəyini, xəttin Yunanıstandan sonrakı adının isə "Yunan axını" ola biləcəyini açıqlayıb.
Axar.az xəbər verir ki, jurnalistlərin suallarını cavablandıran Çijov "Türkiyə və Yunanıstan arasındakı kompleks əlaqələrə baxılarsa, yəqin ki, layihənin adı "Yunan axını" olaraq dəyişər. Boru xətti Türkiyə-Yunanıstan əlaqələrinin yaxşılaşması üçün əhəmiyyətli rol oynaya bilər", - deyə rəsmi mövqe bildirib.
Bildirək ki, Afinada solçu SİRİZA partiyasının iqtidara gəlməsi Rusiya ilə əlaqələrdə canlanmaya səbəb olub. Yunan baş nazir ötən ay Moskvaya səfəri zamanı "Türk axını" layihəsinə müsbət baxdıqlarını, lakin layihənin adının "qulağa xoş gəlmədiyini" Kreml rəhbərinə bildirmişdi.
Xatırladaq ki, Rusiya Prezidenti Vladimir Putin 1 dekabr 2014-cü il tarixdə Ankara səfəri zamanı "Cənubi axını" layihəsinin ləğv olunduğunu, Türkiyə üzərindən yeni bir xəttin inşa ediləcəyini açıqlayıb.
Tarix
2015.05.06 / 10:28
|
Müəllif
Şəmsəddin Ənsar
|