"Ankara "Türk axını" məsələsində Avropa Birliyinin sözünü dinləməyəcək".

Axar.az xəbər verir ki, bu açıqlama ilə Rusiya Dövlət Dumasının Xarici İşlər komitəsinin rəhbəri Aleksey Puşkov çıxış edib.

O "Türk axını"nın sonunun "Cənub axını"na bənzəməyəcəyini bildirib:

"Cənub axının baş tutmamasının səbəbkarı Rusiya deyil. Layihəyə rəsmi olaraq icazə verməyən tərəf Bolqarıstan idi. "Rəsmi olaraq" deməyimin də xüsusi bir səbəbi var. Çünki bu qərar Sofiyada deyil, Brüsseldə verildi. Hətta qərarın alınmasında Amerikanın təsirinin olduğu ortaya çıxsa, heç təəccüblənmərəm. Ankara Türkiyəni Avropada çox önəmli bir tranzit ölkəsinə çevirəcək bu layihəni rədd etməyəcək. Layihəyə yeganə marağını ortaya qoyan Yunanıstan oldu. Əsas Rusiya və Türkiyənin razılığıdır. Rəsmi Ankara "Türk axını" məsələsində AB-nin sözünü dinləməyəcək".