Rusiya Ümumdünya Ticarət Təşkilatına Ukraynanı şikayət edib.

Axar.az xəbər verir ki, bu barədə Rusiyanın İqtisadi İnkişaf Nazirliyi bəyanat yayıb.

"Buna şübhə yoxdur ki, rəsmi Kiyev Rusiyanın yük avtomobillərinin tranzitinə əngəl olur. Bu addım Ümumdünya Ticarət Təşkilatının qaydalarına ziddir. Ukrayna tərəfi Ümumdünya Ticarət Təşkilatı və MDB çərçivəsində beynəlxalq öhdəliklərinə etinasız yanaşır. Rusiyanın yükdaşımalarına qadağa qoyanlar Ukraynanın ekstremist millətçi dairələrini təmsil edirlər. Rusiya nümayəndə heyəti tələb edir ki, Kiyev dərhal bu qərarı ləğv etsin və təşkilatın qaydalarına uyğun ticarət rejimini tətbiq etsin", - Rusiyanın bəyanatında qeyd edilir.

Qeyd edək ki, bir müddət öncə rəsmi Kiyev hökuməti Rusiyanın Ukrayna üzərindən tranzit yükdaşımalarına qadağa qoyulması barədə qərar vermişdi.