Oktyabrın 21-i, saat 11:00-da "Azərbaycan Respublikası Dağlıq Qarabağ Bölgəsinin Azərbaycanlı İcması" İctimai Birliyinin zalında "Qarabağ geyimləri" kitab-kataloqunun təqdimatı keçiriləcək.

Axar.az xəbər verir ki, kitab-kataloq Azərbaycan Respublikasının Prezidenti yanında Elmin İnkişafı Fondunun dəstəyi ilə nəşr olunub.

Nəşrdə ilk dəfə olaraq çöl-etnoqrafik materialları, arxiv sənədləri, muzey kolleksiyaları, ailə saxlanclarında qorunan foto-şəkillər əsasında XIX-XX əsrin əvvəllərində Azərbaycanın Qarabağ tarixi-etnoqrafik bölgəsi əhalisinin geyim mədəniyyəti və başqa məsələlər öz əksini tapıb.

Qeyd edək ki, kitabın müəllifləri Fəzail Vəliyev və Gülzadə Abdulovadır.