Ana səhifə Kult |
"Bu gün Ağdamın işğalı günüdür, ona görə də doğum günümü qeyd etməyəcəm".
Bu sözləri Axar.az-a bu gün 73 yaşı tamam olan Azərbaycanın Xalq artisti, milyonların sevimlisi Flora Kərimova söyləyib.
Xalq artisti doğum günü ilə bağlı təbriklərin iki gün əvvəldən başlandığını qeyd edib:
"İki gün əvvəldən təbriklər başlayıb. Təbriklərin ardı-arası kəsilmir. Mən sayğılarına görə millətimə, xalqıma təşəkkür edirəm. Ağdam işğal olunandan sonra bu günü heç vaxt ad günü olaraq qeyd eləmirəm. Bəzən nəvəmə görə ayın 23-dən ya bir gün qabağa, ya da bir gün sonraya salırdım. O da nəvəmin ad gününə görə. Bu il nəvəmin gəlməyə imkanı olmadığı üçün ümumiyyətlə ad günü keçirməyəcəm".
Xatırladaq ki, Azərbaycann Xalq artisti 1941-ci il iyulun 23-də Bakıda anadan olub.
Flora xanımı kollektivimiz adından təbrik edir və sevimli müğənnimizin ifasında "Böyük dayaq" filmində "Pərişanın mahnısı" olaraq yaddaşlara köçən mahnını oxuculara təqdim edirik.
Tarix
2014.07.23 / 12:58
|
Müəllif
Ülkər Cəfərova
|