1807-ci il mayın 4-də Fransa ilə İran arasında Finkenşteyn müqaviləsi imzalanır. Bu müqaviləyə görə, Fransa İrana hərbi yardım etməli, İran ordusunu yenidən qurmalı idi.

Kult.az xəbər verir ki, bu barədə Feysbuk sosial şəbəkəsində fəaliyyət göstərən Turan TV səhifəsi qeyd edib.

Məlumatda Fransa imperatoru Napoleon Bonapartın məşhur portretinin xatirəsi ilə bağlı maraqlı bir fakt açıqlanıb. Müqavilə imzalananda imperatorlar şəxsən bir-biriləri ilə görüşə bilmədikləri üçün anlaşmanın şərəfinə hərəsi bir portret çəkdirir. Sonradan Napoleonun bu portreti məşhurlaşaraq, dünyanın bir çox ölkəsində kitablarda, məqalələrdə, ensiklopediyalarda dərc edilir.

Qeyd edək ki, türk sülaləsi olan Qacarların nümayəndəsi Fətəli şah Qacar 1797-1834-cü illərdə İrana rəhbərlik edib.