"Mən o filmin təsirindən çıxa bilməmişdim, özüm də filmdəki kimi atamı itirməkdən qorxurdum... Həmin il yaşadıqlarımı o filmi izləyib çox ağlamağıma, ağlıma sərsəm qorxuları gətirməyimə bağlayıram".

Axar.az xəbər verir ki, bu sözləri mərhum yazar Rafiq Tağının qızı baxdığı filmdən təsirlənib atasını xatırlayaraq yazıb.

"Düz üç il qabaq Araz kursunda ablalarla izləmişdim "Umut" filmini... Çox ağlamışdım... Film çox təsirliydi, hələ sonunu və sonda çalınan mahnısını demirəm. Evə qayıdanda atama da məsləhət görmüşdüm, birlikdə baxarıq, demişdim. Amma baxa bilmədik.

Sonra düşünürdüm ki, kaş baxmazdım bu filmə və atama da deməzdim. Mən o filmin təsirindən çıxa bilməmişdim, özüm də filmdəki kimi atamı itirməkdən qorxurdum. İndi yenə izlədim, həmin il yaşadıqlarımı o filmi izləyib çox ağlamağıma, ağlıma sərsəm qorxuları gətirməyimə bağlayıram".

Qeyd edək ki, rejissor Murad Aslanın 2009-cu ildə çəkdiyi "Umut" filmi işləməmək üçün qürbətə gedib orada həbs olunan, illər sonra geri dönəndə dağılan ailəsini bir yerə toplaya bilməyən cavan atadan, valideynlərdən uzaqlaşmış övlad və keçirdiyi aşağı səviyyəli həyat üzündən yataq xəstəsinə çevrilən gənc anadan bəhs edən ailə dramıdır.