Xalq şairi Hüseyn Arifin 90 illik yubileyi təntənəli şəkildə qeyd olunacaq.

Axar.az xəbər verir ki, tədbir Azərbaycan Respublikasının Prezidenti İlham Əliyevin müvafiq sərəncamına əsasən Mədəniyyət və Turizm Nazirliyinin təşkilatçılığı ilə oktyabr 20-də, saat 19:00-da Azərbaycan Dövlət Filarmoniyasında keçiriləcək.

Bir çox elm, mədəniyyət xadimlərinin və müvafiq dövlət strukturlarının iştirak edəcəyi tədbirdə Hüseyn Arifin həyat yolu, fəaliyyəti və yaradıcılığından söhbət açılacaq, şeirləri səsləndiriləcək. Habelə, şairin sözlərinə bəstələnmiş musiqilər ifa olunacaq, şairlə bağlı maraqlı video-çarx göstəriləcək.

Qeyd edək ki, 1924-cü ildə Ağstafa rayonunda doğulan Hüseyn Arifin yaradıcılığı dövlət tərəfindən yüksək qiymətləndirilib və ona "Xalq şairi" fəxri adı verilib.