Bu gün köhnə təqvimlə Yeni il (Köhnə Yeni il) bayramıdır.

Kult.az xəbər verir ki, Köhnə Yeni il Azərbaycanda geniş şəkildə, təmtəraqla qeyd olunmasa da, bəzi restoran və gecə klublarında bayram bağlı mərasimlər təşkil edilir.

“Neolit” restoranında Köhnə Yeni il gecəsi üçün şou-proqram hazırlanıb. Sözügedən mərasim bu gün (13 yanvar) saat 20:00-da start götürəcək.

Həmçinin “Okean Pub və Restoran” da Köhnə Yeni il üçün proqram hazırlayan məkanlardandır. Bu gün həmin restoranda canlı musiqinin müşayiəti ilə şənlik keçiriləcək.

Bundan başqa, bəzi tur şirkətləri də Köhnə Yeni illə bağlı paketlər hazırlayıblar. Həmin paketlərdə Köhnə Yeni ilin Rusiyanın müxtəlif məkanlarında qeyd edilməsi nəzərdə tutulub.

Paketlər 12-16 yanvar tarixləri üçün nəzərdə tutulub. Qiymət 400-500 dollar aralığında dəyişir.

Ümumilikdə isə Köhnə Yeni il Azərbaycanda daha çox böyük restoran və şadlıq saraylarında deyil, kiçik gecə klublarında qeyd edilir.