Axar.az
Yuxarı

Bakı-2015-in bağlanış mərasimi yekunlaşdı - Video

Ana səhifə Kult
12 Punto 14 Punto 16 Punto 18 Punto

Bu gün Bakıda ilk Avropa oyunlarının bağlanış mərasimi keçirilir.

Axar.az həmin mərasimin canlı görüntüsünü təqdim edir:

21:02

Olimpiya Stadonunda Azərbaycanın məşhur müğənnilərinin ifasında Azərbaycan Respublikasının Himni yeni oranjımanda ifa olunur. Stadionda Azərbaycan bayrağı qaldırılır.

21:04

Bağlanış mərasimində Azərbaycan milli musiqi alətləri və müasir müasir alətlərinin vasitəsiylə gözoxşayan performans nümayiş etdirilir.

21:19

Bağlanış mərasimində 50 nəfər uşaqdan ibarət xorun ifasında "Çal oyna" xalq mahnısı yeni oranjımanda ifa olunur. Mahnının sədaları altında iştirakçı ölkələrin bayraqları Olimpiya stadionuna daxil olur.

21:23

Hazırda Olimpiya stadionunda idmançıların paradı baş tutur.

21:56

I Avropa Oyunlarının təşkilat komitəsinin sədri Mehriban Əliyeva bağlanış mərasimində iştirak edən hər kəsi salamladı. O, I Avropa Oyunlarının Avropaya birlik bəxş etdiyini bildirib:

"Müstəqil Azərbaycana yeni qələbələr, Azərbaycan xalqına xoşbəxtlik arzulayıram. İlk Avropa Oyunları başa çatır. Son 17 gün ərzində biz Avropa dövlətləri arasında birliyin şahidi olduq. Mən oyunlara və atletlərə verdikləri qiymətə görə, Azərbaycan xalqına və Prezident İlham Əliyevə minnətdarlığımı bildirirəm. Əziz atletlər sizin uğurunuz gələcək nəsillər üçün gözəl nümunədir. Siz möhtəşəm çıxışlarınızı həvəslə, nəzakətlə və incəliklə bizə bəxş etdiniz. Sizin naliyyətləriniz bizi ilhamlandırır".

Bundan başqa Mehriban Əliyevə I Avropa Oyunlarında iştirak könüllülərə də minnətdarlığını bildirib. O, könüllülərin sayəsində I Avropa Oyunlarının daha da möhtəşəm olduğunu bildirib.

22:12

Patrik Hikkinin çıxışından sonra stadionda fransız rəqqasların ifasında "Gəncliyin enerjisi" adlı rəqs nümayiş etdirildi.

22:25

Bu texnologiyalar sayəsində ölkələr və ayrı-ayrı fərdlər - onların ideyaları, mənsub olduqları xalqın mədəniyyəti və daşıdıqları enerjini bir-birinə ötürmək baxımından əvəzolunmaz mübadilə imkanları yaranır.

Səhnədə dünyamızın perspektivi təsvir olunur. Bu, gəncliyin enerjisidir. Rəqqas səhnədə bir enerji qığılcımı yaradır. Güclü enerji bədənindən keçərək onu hərəkətə gətirir. Rəqqas bu enerjini rəqqasəyə, daha sonra isə başqalarına ötürür. Onların urban və atletik tərzdə hərəkətləri yüksək enerjili hip-hop rəqsinə çevrilir. Beş yüzdən çox ifaçı diod lampalarla bəzədilmiş altıbucaqlı lövhələri başları üzərində tutaraq səhnəyə daxil olur. Onlar hərəkət etdikcə lövhələr əvvəlcə qrafik ekvalayzer, daha sonra şanagülü formasına düşərək müxtəlif heyrətamiz obrazlar yaradır.

Musiqi getdikcə həzinləşir və tamaşaçıların diqqəti səmaya yönəlir. İfaçılar üzərində altıbucaq formalı işıq zolaqları olan sirk halqalarında akrobatik hərəkətlər edir. Onlar yerə enir və bu zaman səhnədə çıxış edən ifaçılar şouya qoşulurlar. Əllərində əlvan rəngli bayraqlar olan 75 ifaçı səhnə boyunca hərəkət edir. Ahəngdar şəkildə hərəkət edən altıbucaqlı lövhələr birləşərək buta formalı üç səhnəni təcəssüm etdirən obraza çevrilir. Sonda "Bakı-2015" birinci Avropa Oyunlarının rəmzi olan nar ağacının qrafik obrazı yaranır.

22:42

Səmadan tamaşaçıların üzərinə Simurq quşu əfsanəsindəki oyanış və dirçəliş toxumlarını əks etdirən yanar köz (işıq diodları) tökülür. Beləliklə, 17 günün kulminasiya nöqtəsi yaxınlaşır, birinci Avropa Oyunlarının alovu sönməyə başlayır. Yavaş-yavaş sönməkdə olan bu alovun ətrafında 50 iştirakçı dövləti təmsil edən 50 uşaq dayanıb. Onlardan biri Oyunların alovu ilə çırağını yandıraraq onu digər uşaqlarla bölüşür. Çıraqlar bir-bir yanır.

Sonra səhnənin mərkəzinə yaxınlaşan alov ifaçıların yanından keçir və onların da çıraqları yanmağa başlayır. Bu çıraqların asıldığı nəhəng çilçıraq səmaya yüksəlir. Meydan möhtəşəm işıq selinə qərq olur. Buradan belə bir məna çıxır: Avropa Oyunları alovunun zərrəciklərini qəlbimizdə daşıyıb dünya ilə paylaşsaq, o da Simurq quşu kimi ölməz olacaq.

Bu təsirli səhnələr Martin Rozengarten və Kristian Ştaynxauzerin Azərbaycan xalq mahnısı "Sarı gəlin"in motivləri əsasında aranjiman etdiyi "Lanterns" musiqisi ilə müşayiət olunur. Musiqi Şirzad Fətəliyevin ifasında balabanda səslənir.

23:08

Möhtəşəm bağlanış mərasimi bütün dünyanı heyran buraxdı. Bununla 17 gün davam edən I Avropa Oyunları bağlanış mərasimi ilə sona çatmış oldu.

Tarix
2015.06.28 / 23:08
Müəllif
Axar.az
Şərhlər
Digər xəbərlər

Tarixçi alim Hacı Şahinə müraciət etdi: Susursunuzsa, deməli...

Səyyad Əlizadənin səhhəti ilə bağlı xoş xəbər

“Bu şəhərdə” yeni kanalda yeni adla gəlir

AUKUS Avropanı dağıdır: “sağ qalmaq” üçün nə edək?

Cəlilabadda qədim məzarlıq tapıldı - Foto

Tarkan yubka geyindi - Video

Dünyanın ən varlı 25 ailəsinin - Siyahısı

Yetərincə efirdə oldum, yenə ehtiyac varmı?! - Rəhimova

Ruhumuzu və mədəniyyətimizi Şuşaya qaytarmışıq - Nazir

Deqatidən Gəncəvinin dağıdılmış büstü barədə paylaşım

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla