Oktyabrın 10-da Ankarada baş verən terror hadisəsinə görə dünyanın müxtəlif ölkələrindən Türkiyəyə baş sağlığı mesajları gəlməkdə davam edir.

Axar.az xəbər verir ki, bir başsağlığı da dünya şöhrətli aktyor Rassel Kroudan gəlib.

Keçən il "Son ümid" filminin böyük hissəsini Türkiyədə çəkən və türkiyəli aktyorları filmində oynadan aktyor Tvitter şəbəkəsindəki şəxsi hesabında Ankara üçün bu tviti paylaşıb:

"Türkiyə üçün çox üzülürəm. Gözəl ölkə, gözəl insanlar... Qaranlıq bir gündür. Sevgi və narahatlıqlarımı paylaşıram".

Aktyor tvitinin sonunda filmində oynayan aktyorlar Yılmaz Ərdoğan və Cem Yılmazı da tvitə etiketləyib.