Nobel mükafatlı Çili şairi Pablo Neruda dünən təşkil olunan mərasimdə yenidən torpağa basdırılıb.

Axar.az xəbər verir ki, böyük şairin ölüm səbəbini bilmək üçün fevral ayında onun nəşi qəbrindən çıxarılmışdı. Araşdırmalardan sonra Neruda yenidən dəfn olunub.

Şairin ailəsi onun prostat xərçəngindən öldüyünü bildirir. Ancaq köməkçisinin iddialarına görə, Neruda General Pinoçetin agentləri tərəfindən öldürülüb.

Onun ölüm səbəbi ilə bağlı analizlərin nəticəsi gələn ay açıqlanacaq.

Qeyd edək ki, Çili ədəbiyyatının görkəmli nümayəndəsi Pablo Neruda 1904-cü ildə anadan olub, 1973-də vəfat edib. O, 1971-ci ildə ədəbiyyat üzrə Nobel mükafatına layiq görülüb.