Aprelin 24-də Azərbaycan Yazıçılar Birliyinin “Natəvan” klubunda akademik, xalq yazıçısı Kamal Abdulla və professor Rafiq Əliyevin həmmüəllifliyi ilə ərsəyə gələn “Kitabi-Dədə Qorqud və qeyri-səlis məntiq” və “Qeyri-səlis məntiq və dil-nitq” kitablarının təqdimat mərasimi keçirilib.

Kult.az xəbər verir ki, tədbirdə Azərbaycan Yazıçılar Birliyinin sədri, xalq yazıçısı Anar, Azərbaycan Mətbuat Şurasının sədri Rəşad Məcid, elm və ədəbiyyat nümayəndələri, ziyalılar iştirak ediblər.

“Ciddi müzakirələrdən sonra kitabı mən qələmə aldım, Rafiq müəllim isə redaktəsini etdi. Qeyri-səlis məntiqə dair bütün ideyalar Rafiq müəllimə məxsusdur. Lakin bir kitabı bir nəfər yazmalıdır və bu vəzifəni mən üzərimə götürdüm”, - Kamal Abdulla bildirib.

Qeyd edək ki, hər iki kitab elmi fikrin müxtəlif sahələrini – dil, məntiq və ədəbiyyatı bir müstəvidə birləşdirərək orijinal formada təqdim edir.