Yuxarı

Xanım tamada: “Pulumu aldığımçün aradan çıxdım”

Ana səhifə Reportaj
12 Punto 14 Punto 16 Punto 18 Punto

"Toyxana" layihəsində

Nazilə Səfərlini şair kimi tanımışdım. Yaradıcılığı ilə ötəri tanışlığım haqqında danışmağa, söz açmağa imkan verə bilərdi. Lakin sonradan bu xanımın başqa keyfiyyətlərini də gördüm. O, toylarda aparıcılıq edirdi. Ziyafətlərdə, yubiley tədbirlərində, xınayaxdı məclislərində ağbirçək olurdu.

Bızdə çirkinə də gözəl deyirlər

Nazilə xanımla "Sevgi etirafı" layihəsi üçün söhbət etmək istəsəm də, söhbətimizin davamı "Toyxana" layihəsinin mövzusu oldu. Xanım aparıcı təklifimi tərəddüdsüz qəbul etdi, amma "Sevgi etirafı" sözümü bir qədər çaşqınlıqla qarşıladıq da:

- Nazilə xanım, gözəl xanımsız və düşünürəm ki, sizin üçün bu etirafları eşitmək adi haldır. Həm də söhbətimiz niyə də alınmasın ki, axı mənim də soyadım Səfərlidir, - zarafat etdim.

Gülümsər çöhrəsinə daha da şirinlik gətirən təbəssüm yayıldı:

- Qohum olarıq a, bırdən. Soyadımız eynidir, - sonra suala cavab verdi, -Gözəllik dediniz? Hə? Bızdə çirkinə də gözəl deyirlər. Odur kı, bu söz dəyərdən düşüb.

- Yəni siz burda təvazökarlıq etdiniz də...

Deyirəm və ürəyincə olur.

- Amma deyəsən Tanrının verdiyi gözəlliyə əl gəzdirbsiz, estetik əməliyyat etdirmisiz...

- Burnumu 3 ıl öncə əməlıyyat etdirdim. Həm havam çatmırdı – çəpər əyrisi vardı, həm də plastik əməliyyat etdirdim. Necə bəyəm, olmaz?

Evlı qadının sevgı etirafı

- Yox, niyə ki, siz hər iki görünüşdə yaraşıqlı və gözəlsiz. Deyin sevgiyə münasibətiniz necədir?

- Evlı qadının sevgı etırafı? - gülərək soruşur.

- Hə, olmaz ki?

- Olar. Hər gün etıraf etsən də, sevgi azalmaz.

- Dediniz ailəlisiniz. Xoşbəxt olun. Siz şairəsiz həm də.

- Dörd kıtabım çıxıb.

- Şeirlərinizin bəzisi ilə tanışam. İsti sevgidən də yazıbsız, bu şeirlər ünvanlıdırmı?

Sevgılərdə, həsrətlərdə yaşayaram

- Xəyalımın ünvanları tükənməz, sevgılərdə, həsrətlərdə yaşayaram...

- Həsrət dediniz, kimin həsrətidir sizə yazdıran o şeirləri?

- Dedim axı. Obrazlı yazıram. Roman yazan özünün taleyini yazmır ki, qəhrəman yaradır.

- Amma bütün hallarda, yazılarda müəllifin özü, yaşantıları olur.

- Xəstənin halından xəstə anlayar…

- Niyə özünüzü sevgidən bəhs edəndə xəstə kimi gördünüz? Nakam bir eşq yaşamadız ki?

- Misal çəkdim də, xəstə deyiləm, fəqət eşq atəşi insanı xəstə etməsə, yandırmasa yaşatmaz da.

- Naziləyəm, dərilmişəm,

Yar köksünə sərilmişəm, - deyirsiz. Bu misralar oxucuya əslində dərildiyiniz insan tərəfindən yox, əlçatmaz olan birisinin qəlbinə, köksünə "sərilməyinizdən" xəbər verir, yanılmıram ki?

- Bəli. Burada fikir aydındır.

- Demək nakam bir eşqin yolçususuz...

- Dərilmişəm, artıq kama yetən eşqdir.

Jurnalistdən çox müstəntiqə oxşadınız

- Sizə bu gün də eşq elan etmək istəyənlər az olmaz?

- Arxadan atılan daş arxaya dəyər, topuğa yox, – yenə də gülür. - Jurnalistdən çox müstəntiqə oxşadınız.

- Yox, müstəntiq deyiləm, sadəcə, səmimi söhbət etməyi sevirəm. Nazilə xanım, sizə bu mövzuda söhbət çətindirsə etməyək, axı burada etiraflardan bəhs edəcəyik, sizə və sizin kiməsə olan sevgilərin etirafından.

- Mən öz yoldaşımla düz 18 ildir ki ailəliyəm. Sevgi yoxdursa, nə məcburdur bu yolda yürümək?

Söhbətin mövzusunu dəyişirəm. Hiss edirəm ki, sevgidən danışmaq ürəyincə deyil. Axı tanınan simadır.

Mey məclisini heç sevmirəm

- Siz el şənliklərini idarə edirsiz, bir xanım olaraq bu çətin deyil ki?

- Əvvəl çox çətin idi, indi yox. İndi yurdumun gözəl, ziyalı xanımlarının ziyafətində aparıcılıq edirəm. Əvvəl kişi toyları da olurdu. Onda çətin idi, mey məclisini heç sevmirəm.

- Həm də deyəsən xınayaxdıları, nişan mərasimləri.

- Bəli.

- Kişi məclislərini idarə etmək hansı zərurətdən irəli gəldi, yəni toylar bir iş olaraq, yoxsa elə sözünüzü, özünüzü tanıtmaq istəyi?

- Dəvət almadığım heç bir yerə getmirəm. Şeirləri tanıtmaq üçün media var. Toy elin adəti, intizarın təzahürüdür. Yaradıcılıq gecəsi deyil axı. Şeir də deyəndə kəm-kəm deyirəm ki, hörmətdən salmayım.

- Neçə yaşınızdan toyları idarə etdiniz?

- 18 ildir ki məclislərdə aparıcılıq edirəm.

Sirr açım sizə?

- Yoldaşınız sizi harada gördü bəyəndi? O, sizin şairliyinizə vuruldu, yoxsa məclis idarə etməyinizə?

- 17 yaşım olanda ailə həyatı qurmuşam. Onda sadəcə cızma-qaralarım vardı.

- Demək, sizin gözəlliyiniz onu başdan edib, şeirləriniz yox.

- Düzdür, – gülür. - O məni ilk dəfə görəndə gözlərımı sevdi. Sonra kimsə eşidərmiş kimi ətrafa nəzər salıb: - Sirr açım sizə? – deyə soruşdu.

- Əlbəttə açın, bu həm də etirafdır, sirr deyil, açın...

- Heç kimə deməmişəm bu günəcən.

- Narahat olmayın, mən də deməyəcəm...

- Bız yoldaşımla yanlış yığılmış bir nömrənin, bir zəngin sayəsində tanış olmuşuq və bir-birimizi görmədən 9 ay telefonla danışmışıq. Dərs yazmışıq. Dost olmuşuq. Nəhayət, görüşmək istəmişik. Məni ilk gördüyü gün dedi ki, bu şənbə bizimkilər sizə gələcək, - sonra da gülərək əlavə edir, - Heç kimə deməyin ha.

Od nədir, tonqal qaladım

- 9 ayda qəlbinə od salmısız da. Düz deyin, sonradan heç sevginiz oldu?

- Od nədir, tonqal qaladım. Xoşbəxt ailəm, səmimi həyat yoldaşım var. Başqa sevgim daha oldu. Biri Nurlan, digəri isə Turan adında...

- Mən əminəm tonqal qalamanıza, gözünüzdən qığılcım salmısız da qəlbinə. Amma kişilərin də gözü kor deyil axı. Gözəlliyin qarşısında əriyirlər, o ki qaldı sizin kimi yaraşıqlı xanımın qarşısında tab gətirmək mümkün olsun. O iki eşq isə bilirəm, oğlanlarınızdır.

- Bizim kişilər ailəcanlıdır. Siz isə ailə dağıdan jurnalistsiz, – ləzzətlə gülür.

- Yox, allah eləməsin. İstəsəniz, kişi sözü verirəm, adınızı şərti qoyum və danışaq. O həsrət ki var dilinizdə, "gecələrin eşq nəğməsi"... nədir bu nəğmə?

- Məktub...

- Aydındır. Kimə yazmısız bu məktubu?

- Sizə...

Məktubu açana deyil,

oxuyana salam olsun.

Belə şübhəli suallar…

- Mən o salamı qəbul edirəm e... Axı o məktubun ünvanlandığı adam da var. Niyə ona salam olmasın? Sizi çoxmu qəlbiqırıq saxlayıb?

- Faiq müəllim, siz mənim xasiyyətimə bələd deyilsiz, yoxsa belə şübhəli suallar verməzdiniz.

- Yox, şübhəli deyil ki, bu suallar. İstərdim, ilk dəfə el şənliyini yola vermək təklifi aldığınız günün həyəcanından danışasız. Bu, necə oldu? Necə risk etdilər? Ya özünüz istədiz?

- Əvvəllər kiçik banketlərdə, şou xarakterli məkanlarda şeir söyləyirdim. 2003-cü il də artıq dostlaşdığımız müştərilərdən biri məni toya dəvət etdi. Toya çatanda mənə aydın oldu ki, bu toyu mən idarə etməliyəm. Əvvəlcə çox həyəcanlandım, dilim topuq vurdu. Toy da kasıb toyu idi. Qızı qaçırmışdılar. Əvvəl etiraz etdim, onda məni inandırdılar ki, bu iş restoranda şeir deməkdən də asandır. Razılaşdım. Toy sahibi kəlbəcərli idi. Tez qaynayıb-qarışdıq. Mən razı qalmasam da, onlar razı qaldılar, bunu hər adam dedi.

Maraqlı hadisə elə mənəm də

- Demək yola verə bildiz ki, bu gün toyları idarə edirsiz?

- Yola vermədim. Əməlli-başlı idarə etdim.

- Nazilə xanım, toy məclisini idarə etmək sözsüz ki, çətindir. Güman ki, maraqlı hadisələr də olub. Axı toylarda müxtəlif insanlarla qarşılaşırsız.

- Maraqlı hadisə elə mənəm də. Bir qadın gəlib böyük bir toyun öhdəsindən gəlir. Davasız-şavasız. Hə, bir dəfə Sumqayıtda toyda aparıcı idim. Toyun içində xına məclisi quruldu. Qonaqlardan bir xanım xonça gətirdi ki, Şəkidən sənə pay gətirmişəm, şəki halvasıdır. Mən də şəkililərin duzlu ləhcəsində ona təşəkkür etdim, mikrofonla dedim ki, ha indi mən sənin halvanı yiyim? "Halvanı yeyim" axı pis çıxır, yas halvası mənasında... Xanım küsdü məndən. Özümü itirmədim, küsdüyünü gördükdə gətirdiyi halvanı ləzzətlə yedim.

- Bəs, sərxoş adamlar olur ki, onlar sifariş üstə qırğın salır, onlarla necə baş edirsiz?

- Qadın aparıcı olanda kişilər çox vaxt dava, səs-küy salmaz.

- Çox vaxt dediz, demək, az da olsa olur. Nazilə xanım, toyları idarə etmək çətin deyil ki?

- Toyları idarə etmək üçün birinci növbədə psixoloq olmaq lazımdır. Sonra isə söz yüklü və səliqə-sahmanlı olmaq gərəkdir. Bunlar varsa, asan olar. Mənə çox asan gəlir.

Sərxoş kışının ağlı

- Bayaq dediz ki, qadın aparıcı olanda kişilər hay-küy salmaz. Bəs sərxoş başda ağıl da olmaz deyirlər.

- Sərxoş kışının ağlı cibində olur. Pulu qurtaranda ağıllanmağa başlayır, Bunların isə mənə heç aidiyyəti yoxdur, çünki mən olan toylarda belə hallar görünmür, – yenə də gülür.

- Yoldaşınız nə işlə məşğuldur?

- Həyatımın yoldaşı Bakı metropolıtenində çalışır.

- Sizin qazandığınız puldan o da istifadə edir?

- Bızım evın büdcəsində ayrılıq yoxdur. Evin ehtiyacı hamıya aiddir, "sənin–mənim" söhbəti cılız söhbətdir.

- Sizi qısqanırmı?

- Qısqanırdı əvvəllər. Daha yox. İllərin sınağı ona kifayət elədi, məncə.

- Yəni heç qısqanacaq bir şey olmayıb?

- O mənim iş həyatıma qarışmır.

Araq şüşəsi zərbə endirdi

- Kişi toyları ilə də bağlı bir hadisə danışın.

- Tovuzun Köhnəqala kəndində toy olub. Pünhan aparıcı, mən isə bəyin dostlarından birinin toya hədiyyəsi idim. Arada deyişmələr edirdik. Toyun başında məni çağıran qardaş gəlib dedi ki, bu sənin pulun, mən gedirəm, İstanbula səfərim var. Toy çox zəngin toy idi. Pul göydən yağış kimi yağırdı elə bil. Pünhan şeir deyirdi. Birdən dava düşdü. Davanın səsi eşidilməsin deyə, Pünhan şeiri kəsmir, əksinə daha da ürəkdən deyirdi. Dava isə, musiqiçilərin arxa fonunda pəncərə var, oradan açıq görünürdü. Onda gördük ki, dalaşan oğlanın biri əlindəki araq şüşəsi ilə bir nəfərin başına güclü zərbə endirdi. Şüşə sındı. Adam büsbütün qan oldu. Qonaqlar sanki bu anı gözləyirdilər. Bütün toyxana bir-birinə girdi, kimi oturduğu stolu göydə uçurur, kimi stəkanı, kimi də saç yolur. Mən nə etdim? Pulumu əvvəlcədən aldığım üçün sakitcə aradan çıxdım. 2 saatdan sonra Pünhana zəng vurdum ki, vəziyyət necədir? Dedi: - Hamı qucaqlaşıb öpüşür, elə bil heç dava düşməyib.

Tarix
2014.12.02 / 08:15
Müəllif
Faiq Balabəyli
Şərhlər
Digər xəbərlər

Bakı savaşa başlasa, İran İrəvana yardım edəcək? – Səfirin şok cavabı

Azərbaycanın heç bir torpağı işğalda deyil - İran səfiri

Pezişkian Paşinyanla söhbətində açıq dedi ki… - Sübhani

Heydər Əliyevin hakimiyyətə gəlişinin 55-ci ildönümüdür

Heydər Əliyevin hakimiyyətə gəlməsinin 55 illiyi - Foto

871-ci gün: Rusiya Ukraynanın itkilərini yenilədi

Tural Abbaslı, xanımı və qayınatası namizəd oldu

MDB PA müşahidəçiləri parlament seçkisini izləyəcək

İlham Əliyev daha 2 fərman imzaladı

Prezidentdən ASAN Xidmətlə bağlı - Fərman

KULT
<>
Xəbər xətti
  
  
  
  
  
  
  
  
  
Axar.az'da reklam Bağla
Reklam
Bize yazin Bağla