Müğənni Elton Hüseynəliyev 24 il əvvəl Ermənistan tərəfindən işğal olunan Qubadlını yad edib.

Kult.az xəbər verir ki, müğənni bu barədə şəxsi İnstaqram hesabında yazıb:

“Ata yurdum Qubadlının işğalından 24 il keçdi... Amma inanıram ki, az qaldı, lap az. Allahın izni ilə torpaqlarımıza Azərbaycan bayrağını asacağıq. Yaşasın Azərbaycan xalqı, dövlətimiz var olsun! Ümidimiz sonsuzdur. İnşallah, tezliklə Qarabağda azanlar veriləcək, namazlar qılınacaq, qurbanlar kəsiləcək. Deyib-gülüb bayram edəcəyik. O günlərə az qaldı... Ya Rəbbim, bizə arzu etdiyimiz gözəl günləri nəsib et, şəhidlərimizin hörmətinə, analarımızın duaları ilə düşmənlərimiz üzərində qələbə sevincini yaşamağı bizə nəsib et! Amin, amin, amin!”

Xatırladaq ki, Qubadlı rayonu 14 mart 1933-cü ildə yaradılıb. Rayon 31 avqust 1993-cü ildə Ermənistan silahlı qüvvələri tərəfindən işğal edilib.