Amerikanın “Forbes” jurnalı Avropanın 2017-ci ildə ən çox qazanan ulduzlarının reytinqini müəyyənləşdirib.

Kult.az xəbər verir ki, tərtib olunan reytinqdə ilk yeri britaniyalı yazıçı Coan Roulinq tutub. 12 ay ərzində o, 95 milyon dollar qazanıb. Sonrakı yerləri portuqaliyalı futbolçu Kriştiano Ronaldo (93 milyon dollar), Britaniyanın “Kold pley” qrupu (88 milyon dollar), müğənni Adel (69 milyon dollar), isveçrəli tennisçi Rojer Federer (64 milyon dollar) tutublar.

Qızıl onluğu Britaniya təmsilçiləri tamamlayıblar. Onların arasında müğənni Elton Con, aşpaz Qordon Ramzi, musiqiçi Pol Makkartni, qolfçu Roro Makilroy və dicey Kelvin Harris yer alıblar.