Mübahisələr və qalmaqallarla dolu "Maşın" şounun komandası jurnalistlərə qarşı hörmətsizlik edib.

Kult.az Musavat.com-a istinadla xəbər verir ki, bu gün şounun final günü baş tutmalı və qalib açıqlanmalıydı. Lakin şounun qalibinin Talıb Talenin olması ötən gündən mediada öz əksini tapmışdı. Dünən gecə heç nə olmamış kimi şou yayımlandı və qalib açıqlanmadı. Buna səbəb isə layihə rəhbəri Murad Dadaşovun sponsorlarla bağladığı müqavilə oldu.

Bu gün keçirilən final gecəsinə media nümayəndələri dəvət olunsa da, onlar efir başlamamış məkandan qovulublar. Azxeber.com saytının əməkdaşı Nazim Qasımzadə, Primetime.az saytının müxbiri Teymur Məmmədov və Showxeber.az saytının müxbiri Elman Məmmədov öncə şounun keçirildiyi məkana buraxılıb.

Daha sonra cangüdənlər onlara yaxınlaşaraq təcili studiyanı tərk etmələrini tələb ediblər. Səbəb kimi isə jurnalistlərin qalibi qabaqcadan açıqladıqları bildirilib.