Balerina Anastasiya Voloçkova hələ də Fransadan kənara çıxma yasağı qoyulan ləzgi milyarder Süleyman Kərimovu sevdiyini açıqlayıb.

Axar.az xəbər verir ki, bu barədə “Super” informasiya yayıb.

“Mən bu insanı həqiqətən çox sevmişəm. Bu mənim həyatımda ilk, ən ciddi sevgidir. Biz birlikdə 3.5 il yaşamışıq. O, nəciblik, şərəf və ləyaqətə sahib Qafqaz kişilərinin nümayəndəsidir. Həyatda ondan daha çox heç kimi sevməmişəm”, - Voloçkova bildirib.

Qeyd edək ki, Rusiya Federasiyasının senatoru, Dağıstandan olan milyarder Kərimov Fransada həbs edilib. O, vergiləri ödəməməkdə ittiham edilir.

Hazırda o, həbsdən azad edilsə də, Fransadan çıxışına yasaq qoyulub.