Aktrisa Pərvin Abıyeva yerli saytların onun “azərbaycanlı kişiləri təhqir etdi” başlıqlı yazısına sərt reaksiya verib.

Kult.az xəbər verir ki, İnstaqram səhifəsində bu barədə paylaşım edən aktrisa saytların onun adından istifadə edərək reytinq qazandığını bildirib:

“Yenə biri Pərvinə söz atdı, reytinq qazandı, Pərvindən yazdılar. Səhifələr reytinqdən partladı.

Bezmədiniz mənim üzərimdən PR qazanmağa? Nə vaxtdan “bizim kişilər romantik deyil və bir az da köhnə fikirlidir” sözü təhqir olub? Biri çıxsın desin ki, bu təhqirdir. Düz deyirəm. Ölkəmiz nə qədər müasirləşsə də, gözəlləşsə də, düşüncə tərzimiz hələ də köhnədir.

Aktrisa, aparıcı və ya müğənnisənsə, boşanmısansa, azad yaşayışın varsa, demək, pis yolun yolçususan. Kişi olmayanlar da indi qalxıb ayağa. Biz öz həyatımızı yaşaya bilmirik. Ancaq başqalarınınm həyatına müdaxilə edirik”.

P.Abıyeva bildirib ki, birinin köhnə fikirli olduğunu demək ona təhqir sayılmır:

“Belə insanlar hamımızın ailəsində var. Söyüşlərinizi saxlayın özünüzə. Mən heç kəsin alğışı ilə doğulmamışam ki, qarğış və söyüşlə də gedim. Biz müasirləşə bilmirik. Demişəm, sözümün üstündə də dururam”.

Qeyd edək ki, tanınmış aktrisa Pərvin Abıyeva Türkiyənin məşhur "Hürriyət" qəzetinə müsahibə verib. Müsahibəsi zamanı türkiyəli müğənni Rafet El Romanla olan münasibətindən də danışıb, onu çox romantik adlandırıb. Azərbaycanlı kişilərin isə kobud olduğunu bildirib:

"Rafet çox romantik, səmimi insandır. O, Azərbaycan kişiləri kimi deyil. Azərbaycanlı kişilər kobud, bir az da köhnə fikirlidirlər. Türk kişiləri kimi romantik deyillər”.