Rza Zərrabın və 23 yaxın qohumunun əmlakına həbs qoyulması barədə qərarın onun həyat yoldaşı Əbru Gündəşə hansı səbəbdən aid edilmədiyi məlum olub.

Axar.az xəbər verir ki, müğənnini sözügedən qərardan xilas edən R.Zərrabla evlənmədən öncə imzaladıqları müqavilə olub. Müqavilədə hər kəsin sərvətinin öz adına olduğu, ayrıldıqları təqdirdə mübahisə predmetinə çevrilməyəcəyi qeyd olunduğu üçün müğənninin şəxsi qazancı ilə əldə etdiyi mal varlığının müsadirəsini məhkəmə qanunsuz sayıb.

Qeyd edək ki, ötən gün əslən azərbaycanlı milyarder, ABŞ-da mühakimə edilən Rza Zərrabın Türkiyədə üzərinə həbs qoyulan əmlakının siyahısı açıqlanıb. R.Zərrabla bərabər onun yaxın 23 qohumunun da əmlakına həbs qoyulub. Türkiyə hökuməti müttəhimin qızı Alaranın adına olan bəzi mülkləri də müsadirə edib.